दिनेश भण्डारी-गायक सोमकुमार दुलालको नयाँ गीत ‘सुनको मोल’ सार्वजनिक गरिएको छ । सोम दुलालकै स्वर, शब्द र संगीतमा तयार भएको यो गीत ‘सोम के. दुलाल’ युट्युब च्यानलमार्फत बिहीबार सार्वजनिक गरिएको हो।

गायक दुलालले यसअघि ‘चोट दियौं’, ‘निष्ठुरी’ लगायतका गीत बजारमा ल्याइसकेका छन्। शिक्षण पेशामा संलग्न रहेका दुलालले संगीतलाई आफ्नो अविरल कर्मका रूपमा निरन्तरता दिइरहेको बताउँछन्।
सरल शब्द र मधुर धुनमा तयार भएको ‘सुनको मोल’को म्यूजिक भिडियोको निर्देशन मिलन श्रेष्ठले गरेका हुन्। भिडियोमा चण्डिका तिमल्सिना, प्रगति तिमल्सिना, बालकलाकार आद्रता दुलाल र शताब्दी दुलाल लगायत कलाकारहरूको आकर्षक अभिनय देख्न सकिन्छ।